Árlega hefur verið farið í gróðursetningu í afmörkuðum skógræktarreit við Klifsholt við Kaldárselsveg. Skógræktardagurinn hefur þannig orðið árviss viðburður.
Gróðursetning trjáplantna hefur allt frá árinu 1951 verið stöðugt viðfangsefni Rótarýklúbbs Hafnarfjarðar. Rótarýklúbburinn í Ørsta í Noregi sendi klúbbnum um 5.000 trjáplöntur að gjöf vorið 1955. Þetta hélt áfram næstu árin og gat klúbburinn gefið Skógræktarfélaginu og öðrum klúbbum hluta af þessum plöntusendingum. Upphaf málsins var á þá lund að sonur félaga í R.H., Gunnar Finnbogason, sonur Jónssonar póstmeistara, var við skógræktarnám í Ørsta og tók klúbburinn þar hann í eins konar fóstur.
Hafnfirðingum er kunnugt að fáir hafa lagt meira á sig í trjárækt og í raun lyft þar stærri Grettistökum en Jón Magnússon, kenndur við Skuld, fæddur 1902. Á umdæmisþinginu í Keflavík árið 1990 voru Jóni veitt verðlaun úr Starfsgreinasjóði umdæmisins fyrir elju hans, dugnað og tilraunir í skógrækt á landspildu sinni ofan við Sléttuhlíð og raunar einnig á lóð sinni heima í Lynghvammi.
Árið eftir samþykkti R.H. að gera Jón Magnússon að heiðursfélaga klúbbsins í virðingarskyni fyrir framtak hans í skógræktarmálum. Upp frá því bauð Jón skógræktarfólki R.H. og Inner Wheel að heimsækja sig í skála sinn í gróðurreitnum mikla og fagra. Húsið reisti hann fyrir löngu og nefnir Smalaskála.
Frá gróðursetningu trjáplanta 2023. Zophanías, Trausti, Helgi Þórisson, Guðmundur Helgi, Ingvar og Pálmi.
